القريوش بأشكال جديدة خطوة بخطوة و بالصور .

***صورة مجمعة للاشكال :

*** مقادير عجينة القريوش :

- كيلة زبدة توريق - 04 كيلات فرينة - رشة ملح - ملعقة صغيرة فانيليا 

ملعقة كبيرة من ماء الزهر - ملعقة كبيرة خل - حليب

عسل و فستق و جلجلانية للتزيين.

*** طريقة تحضير العجينة :

نقوم بتذويب  الزبدة و نحط فيها الفرينة و الملح و الفانيليا 

و نلم العجينة بالحليب حتى تصبح ملساء و متماسكة ( مش مرخوفة ).
ثم نقطع العجينة الى اقسام و نبدأ التشكيل .
1- شكل البابيون :

* نمرر العجينة في الة البقلاوة في الرقم 1 ثم 2 ثم 5 و نقطعوه مربعات .

* الان نقوم بتشكيل القريوش كما في الصورة التالية و كل مرة نقوم بعملية الطي 

نقوم بدهنه ببياض البيض كي لا تنفك اثناء الطي.

* و هذه النتيجة بعد القلي و التعسيل .

2- شكل وردة الرمال :

* نمرر العجينة في الة البقلاوة في الرقم 2 و 4 ثم 6 . نقطع العجينة الى دوائر 
* نضع 03 دوائر فوق بعضها و نلصقوهم في الوسط بواسطة بياض البيض 
و نقوم بتشكيلها وفق المراحل التي في هذه الصورة التوضيحية .

* و هذه النتيجة .

3- شكل المروحة :

* نمرر العجينة في الة البقلاوة في الرقم 1 و 3 ثم 5 .
* نقوم بتقطيعها الى مربعات ثم نشكلها وفق المراحل التي في الصورة التوضيحية مع الصاق الاطراف بواسطة بياض البيض.

* و هذه النتيجة .

4- شكل الوردة :

* نمرر العجينة في الة البقلاوة في الرقم 2 و 4 ثم 6 .
نقوم بتقطيعها شرائط و ندوروها حول المركز وفق المراحل المصورة و نلصق النهاية ببياض البيض.

* و هذه النتيجة.

5- شكل الحنفيات :

* نمرر في الة البقلاوة رقم 2 و 4 ثم 6 . و نرشوها جيدا بالنشاء .
* نلفوها ثم نقطعوها بشكل مائل و نبسطوها من الجهتين حتى تتورق كل حبة.

* و هذه النتيجة .

6- شكل الظفائر :

* نمرر العجينة في الة البقلاوة في الرقم 2 و 4 ثم 6 .
* الان نمررها في الة الرشتة و نظفرها مع الضغط على الاطراف.

* و هذه النتيجة.

7- قريوش المول :

* نمرر العجينة في الة البقلاوة في الرقم 2 و 4 ثم 6 .
* ثم نقطعوها الى دوائر حسب حجم المول اللي عندنا.
* الاولى ندخلوها جيدا في المول و سوف تكون القاعدة ثم نضعها فوقها الثانية و ندهنو بينهم ببياض البيض
و نشكلوهم وفق الصورة التوضيحية .
* نقوم بقليهم في زيت ساخن مع رمي الزيت فوقهم بالملعقة حتى يصبح شكلها احمر ذهبي وقتها ستنفصل القريوش عن المول وحدها. 

* و هذه النتيجة. 

ملاحظات مهمة جدا :
- زيت القلي يجب ان يكون بكمية كبيرة و سخون لما تضعي القريوش ثم نقصي الكمية قليلا فقط و حتى يتم الطهي من الخارج و الداخل بنفس القدر.
- بياض البيض ضروري لتلصيق الاطراف.
- اذا العسل سخون لازم القريوش يكون بارد لكي يبقى مقرمش.
- السعرات في حبة القريوش بين 150 و 200 سعرة حرارية حسب الحجم .

                                     شهية طيبة للجميع